KIDUNG PERAWAN
KIDUNG PERAWAN
Dening : Anita Retno Larasati
Aku kepengin gawe reca
Sing wujude wong lanang gagah
Praupane Arjuna awake Bima
Banjur dadi kanca ing omah
Sawektu-wektu
Aku bisa ngelus-elus reca iku
Kaya wong wadon gandrung
Banjur kadlarung-dlarung
Aku uga kepengin bebojoan
Karo reca tapa guneman
Ora usah kuwatir diwayuh
Utawa ditinggal lunga adoh